■ Падчас адкрыцця спартакіяды
Тут сабраліся людзі, якія не старэюць душой, тыя, хто любіць спорт, рух і жыццё. Мерапрыемства арганізавана дзякуючы ўпраўленню адукацыі, спорту і турызму райвыканкама і раённаму Савету ветэранаў.
Як адзначаюць арганізатары, уцягванне пажылых людзей у актыўныя заняткі спортам - адна з самых актуальных задач: дзякуючы гэтаму людзі па-іншаму будуць глядзець на жыццё, тым самым яны забудуць пра ўзрост.
■ Настольны тэніс
■ Гульні ў шашкі
■ Дартс
Усяго на спартакіядзе прайшлі спаборніцтвы па пяці відах - гэта дартс, шашкі, шахматы, більярд і настольны тэніс. Пераможнаму настрою і запалу ўдзельнікаў мог пазайздросціць любы прадстаўнік моладзі. У цэлым тут панавала асаблівая атмасфера: адчуваўся пазітыўны і выдатны настрой усіх прысутных. Такая сустрэча - добрая нагода не толькі паказаць свае дасягненні, але і сустрэць старых сяброў і знаёмых.
У выніку фінальныя паядынкі ў кожнай спартыўнай дысцыпліне выявілі сваіх пераможцаў. Так, першае месца ў дартсе заваяваў Ігар Гаражан, шашках – Мікалай Корзун, шахматах - Аркадзь Корбут, більярдзе - Аляксандр Дарогін, настольным тэнісе - Яўген Семянкевіч. Усе ўдзельнікі - жыхары Капыля. Узнагароды і граматы ад раённага аб'яднання прафсаюзаў і РГА «Белая Русь» уручылі старшыня РГА РГА «Белая Русь» кіраўнік спраў Капыльскага райвыканкама Алена Міхайлоўская, старшыня раённай арганізацыі Беларускага прафсаюза работнікаў адукацыі і навукі Марына Крэпская і старшыня раённага Савета ветэранаў Людміла Камянкова.
Алена Міхайлоўская і Людміла Каменка ўручаюць узнагароду за першае месца ў більярдзе Аляксандру Дароніну
У чарговы раз удзельнікі мерапрыемства паказалі на асабістым прыкладзе, што ў любым узросце можна заставацца бадзёрым целам і душой.
Павел Шэін
«СП» http://www.kopyl.by