У нашай краіне яно працягваецца 5 дзён - да 16 лістапада ўключна - і з'яўляецца вельмі зручным для выбаршчыкаў, якія жадаюць прыняць удзел у галасаванні, але ў сілу якіх-небудзь прычын не здольны зрабіць гэта ў асноўны дзень.
■ Свае галасы за кандыдата ў дэпутаты аддаюць Ніна і Рыгор Аніскавец
Аднымі з першых выкарысталі магчымасць датэрміновага галасавання Рыгор Аляксандравіч і Ніна Фёдараўна Аніскавец з Капыля, якія прыйшлі на Багданавіцкі ўчастак для галасавання № 21.
– Па сямейных абставінах на выходных мы не будзем у Капылі, паедзем у Мінск да дзецей і ўнукаў, – дзеліцца сямейная пара. - Таму вырашылі праявіць грамадзянскую пазіцыю і аддаць свой голас за кандыдата загадзя. Наведваем выбары заўсёды, гэта сапраўдная сямейная традыцыя. Хацелася б, каб той дэпутат, які будзе прадстаўляць наш рэгіён у парламенце, унёс важкі ўклад у развіццё і росквіт Капыльскага раёна.
Як паведамілі ў акруговай выбарчай камісіі Капыльскай выбарчай акругі № 66 па выбарах дэпутата Палаты прадстаўнікоў Нацыянальнага сходу Рэспублікі Беларусь сёмага склікання, выбаршчыкі могуць наведаць датэрмінова ўчасткі для галасавання і аддаць свой голас. Пры сабе неабходна мець пашпарт або іншы дакумент, які сведчыць асобу.
У перыяд правядзення датэрміновага галасавання ўчастковыя выбарчыя камісіі будуць працаваць з 10.00 да 14.00 і з 16.00 да 19.00.
«СП» http://www.kopyl.by