На выбарчы ўчастак у поўным складзе прыйшла шматдзетная сям'я Шабунь з г. Капыля. Генадзь і Алена, а асабліва іх дзеткі - першакласнік Раман, блізняткі Паліна і Сафія, з нецярпеннем чакалі гэтага дня. Галава сямейства працуе кіроўцам ПАСП-13 Капыльскага РАНС, а мама - метадыстам упраўлення па адукацыі, спорце і турызме райвыканкама, праўда, зараз знаходзіцца ў адпачынку па доглядзе за дзецьмі да трох гадоў.
- Аддаючы свой голас за кандыдата, мы выбіраем будучыню - сваю і дзяцей — дзеліцца Алена. - Дзяржава падтрымлівае шматдзетных. Наша сям'я атрымала мацярынскі капітал. І як добра, што дзякуючы новаўвядзенням, якія ўступяць з 1 студзеня 2020 года, грашовымі сродкамі можна будзе скарыстацца датэрмінова. Спадзяемся пагасіць запазычанасць па жыллёвым крэдыце, паколькі ў мінулым годзе сталі навасельцамі і атрымалі доўгачаканыя ключы ад пабудаванай з дзяржпадтрымкай новай кватэры на вуліцы Багдановіча паблізу СШ № 3. Як бацькі, хочам, каб будучыня ў нашых дзяцей была мірнай і забяспечанай. Мы любім сваю малую радзіму і так хочацца, каб у Парламент быў абраны чалавек, якому неабыякава, што адбываецца ў нашым рэгіёне. Верым, што тут можна яшчэ многае зрабіць для камфортнага жыцця людзей.
Сваім канстытуцыйным правам скарыстаўся старшыня Капыльскага раённага выканаўчага камітэта Сяргей Пілішчык.
- Лічу, што нашы жыхары павінны актыўна праяўляць сваю грамадзянскую пазіцыю, удзельнічаючы ў выбарах — прагаласаваўшы, адзначыў кіраўнік раёна. - Мой голас, як і голас любога выбаршчыка, можа быць вырашальным. І аддаўшы яго за годнага кандыдата, гэта магчымасць паўплываць на агульны дабрабыт краіны.
Таццяна БОХАН
«СП» http://www.kopyl.by