Міжнародныя рэзервовыя актывы Беларусі на 1 красавіка, паводле папярэдніх даных, склалі $7 млрд 245,6 млн (у эквіваленце), паведамілі БЕЛТА ва ўпраўленні інфармацыі і грамадскіх сувязей Нацыянальнага банка.
За сакавік золатавалютныя рэзервы выраслі на $150,5 млн (на 2,1 працэнта) пасля росту ў лютым 2019 года на $77,5 млн (на 1,1 працэнта).
У сакавіку ўрадам і Нацыянальным банкам выканана знешніх і ўнутраных абавязацельстваў у замежнай валюце на суму прыкладна $316 млн.
Павелічэнню ўзроўню золатавалютных рэзерваў у сакавіку садзейнічалі паступленне сродкаў ад продажу Нацбанкам і ўрадам аблігацый, намініраваных у замежнай валюце, купля замежнай валюты Нацбанкам на таргах ААТ "Беларуская валютна-фондавая біржа", паступленне замежнай валюты ў бюджэт, у тым ліку ад спагнання экспартных пошлін на нафту і нафтапрадукты.
Згодна з Асноўнымі напрамкамі грашова-крэдытнай палітыкі на 2019 год аб'ём міжнародных рэзервовых актываў на 1 студзеня 2020 года павінен скласці не менш як $7,1 млрд.
Крыніца: belta.by
