Палітыка міжнацыянальнага і міжканфесійнага міру з'яўляецца брэндам Беларусі. Аб гэтым Прэзідэнт Беларусі Аляксандр Лукашэнка заявіў у інтэрв'ю турэцкаму інфармацыйнаму агенцтву "Анадолу", паведамляе БЕЛТА.
"Мы праводзім палітыку міжканфесійнага міру, і гэтым славіцца Беларусь. Гэта наш брэнд - мір, стабільнасць, адсутнасць нацыянальнай, міжканфесійнай варожасці. І гэтай палітыкі мы будзем прытрымлівацца пастаянна", - заявіў Аляксандр Лукашэнка.
Прэзідэнт адзначыў, што адкрытая нядаўна ў Мінску мячэць таксама з'яўляецца фактарам такой згоды. Улічваючы вялікую колькасць паслядоўнікаў гэтай рэлігіі, было прынята рашэнне пабудаваць у Мінску мячэць. У яе адкрыцці прымаў удзел і Прэзідэнт Турцыі.
"Мячэць, якую мы пабудавалі, - фактар згоды, у канчатковым выніку, міру ў нашым грамадстве. Я прыхільнік гэтага. Таму перакананы: атрымаўшы свой дом тут, як праваслаўныя, католікі, іўдзеі і многія іншыя, галоўны дом - мячэць, мусульмане ўдзячны Беларусі, удзячны Рэджэпу Таіпу Эрдагану (Прэзідэнт Турцыі. - Заўвага БЕЛТА), які і свае сродкі інвесціраваў у гэту мячэць. Мы дапамагалі будаваць мячэць", - сказаў Прэзідэнт.
"У нас жыве, па-мойму, больш за 30 тыс. мусульман, якія ніколі нідзе на тэрыторыі Беларусі не стваралі ніякіх праблем", - дадаў Аляксандр Лукашэнка.
Крыніца: belta.by
