Прэзідэнт Беларусі Аляксандр Лукашэнка абмеркаваў з Прэзідэнтам Расіі Уладзімірам Пуціным пытанне пастаўкі няякаснай нафты на беларускія НПЗ, паведаміла журналістам кіраўнік Адміністрацыі Прэзідэнта Наталля Качанава, перадае карэспандэнт БЕЛТА.
Наталля Качанава сказала, што пасля вяртання з Кітая Аляксандр Лукашэнка правёў з ёй сустрэчу. "Мы абмяркоўвалі пытанні пастаўкі няякаснай нафты на нашы НПЗ. 26 красавіка Аляксандр Лукашэнка сустрэўся з Уладзімірам Пуціным. Прэзідэнт Расіі запэўніў, што гэта пытанне будзе самым сур'ёзным чынам расследавана, будзе дадзена прынцыповая ацэнка таму, што здарылася. Спадзяёмся, што ўсе пытанні будуць урэгуляваны зыходзячы з запэўненняў Прэзідэнта Расіі", - сказала кіраўнік Адміністрацыі Прэзідэнта Беларусі.
На "Нафтане" разгледжаны вынікі фінансава-гаспадарчай дзейнасці, стан рынкаў нафтапрадуктаў і выкананне інвестыцыйных праектаў прадпрыемства.
Крыніца: belta.by
