Прэзідэнт Беларусі Аляксандр Лукашэнка ад імя беларускага
народа і сябе асабіста павіншаваў Прэзідэнта Грузіі Саломэ Зурабішвілі з
нацыянальным святам - Днём незалежнасці. Аб гэтым БЕЛТА паведамілі ў
прэс-службе беларускага лідара.
«Паміж Рэспублікай Беларусь і Грузіяй дасягнуты высокі
ўзровень партнёрства, трывалым падмуркам якога з'яўляюцца духоўная блізкасць
культур нашых народаў, агульная гісторыя, добрыя чалавечыя адносіны і
ўзаемадапаўняльнасць эканомік, - гаворыцца ў віншаванні. - Перакананы, што
пашырэнне супрацоўніцтва, напоўненага сумеснымі праектамі ў самых разнастайных
галінах, будзе і ў далейшым спрыяць паспяховаму развіццю абедзвюх дзяржаў».
Аляксандр Лукашэнка пажадаў Саломэ Зурабішвілі моцнага
здароўя і невычэрпнай энергіі, а грамадзянам брацкай Грузіі - міру і
працвітання.
Крыніца: belta.by
