"У фестывалі прымуць удзел творчыя калектывы, майстры і рамеснікі з дзвюх абласцей краіны. Гомельскую прадставяць Жыткавіцкі, Ельскі, Калінкавіцкі, Лельчыцкі, Мазырскі, Нараўлянскі, Петрыкаўскі, Хойніцкі раёны. З Брэсцкага рэгіёна прыедуць прадстаўнікі Лунінецкага, Пінскага, Столінскага раёнаў", - расказаў Дзяніс Язерскі.
Свае нумары рыхтуюць Нацыянальны акадэмічны народны хор Беларусі імя Г.І.Цітовіча, заслужаны калектыў Беларусі ансамбль народнай музыкі "Бяседа". Акрамя таго, выступіць вакальная група "Чысты голас" і фальклорны ансамбль славянскай песні "Збіцень" Гомельскай абласной філармоніі. Гомельскі эстрадна-сімфанічны аркестр імя Ю.Васілеўскага рыхтуе спецыяльную праграму.
"З нецярпеннем чакаем канцэрта дзіцячага харэаграфічнага калектыву "ВІП пакаленне" і народнага фальклорнага ансамбля "Макоша". У гэтым годзе таксама прыедзе папулярная група з Украіны "Лісапетны батальён", - дадаў начальнік упраўлення.
Паводле слоў Дзяніса Язерскага, будуць працаваць выставы "Фестываль кнігі і прэсы", "Турыстычнае Палессе" і "Паляванне і рыбалоўства". "Запланавана правядзенне конкурсу прыгажосці "Палеская Прыгажуня-2020". Госці таксама змогуць убачыць скульптуры абласнога пленэру "Міфалогія Палесся ў дрэве". Завершыцца фестываль вячэрнім шоу і святочным феерверкам", - сказаў ён на заканчэнне.
VI Міжнародны фестываль этнакультурных традыцый "Кліч Палесся" збярэ гасцей у аграгарадку Ляскавічы Петрыкаўскага раёна 29 жніўня. Мерапрыемства накіравана на захаванне і папулярызацыю этнакультурных традыцый, вывучэнне і падтрымку багатай гісторыка-культурнай спадчыны рэгіёна, умацаванне творчых сувязей прыгранічных рэгіёнаў. Фестываль праводзіцца раз у два гады. Арганізатарамі выступаюць Міністэрства культуры, Гомельскі і Брэсцкі аблвыканкамы, Нацыянальны парк "Прыпяцкі".
Крыніца: belta.by
