"Да канца года ў галіне завершыцца будаўніцтва яшчэ адной дарогі. Такім чынам, у строй будзе ўведзена больш за 105 км новых лесагаспадарчых дарог", - расказалі ў прэс-службе.
Найбольшая колькасць лясных артэрый традыцыйна будуецца ў Віцебскай вобласці. У 2021-м тут уведзена 7 аб'ектаў агульнай працягласцю 31,4 км (у Бешанковіцкім, Віцебскім, Глыбоцкім доследным, Лепельскім, Лёзненскім, Талачынскім лясгасах).
Па адной новай дарозе пабудавана ў Брэсцкай і Гродзенскай абласцях (Ганцавіцкі, Смаргонскі доследны лясгасы), дзве дарогі пабудаваны ў Магілёўскай вобласці (Глускі, Клімавіцкі лясгасы), па чатыры новыя дарогі з'явіліся ў Мінскай вобласці (Клецкі, Лагойскі, Любанскі, Пухавіцкі лясгасы) і ў Гомельскай вобласці (Лельчыцкі, Петрыкаўскі, Мазырскі доследны лясгасы).
Будаўніцтва лесагаспадарчых дарог у краіне рэалізуецца ў адпаведнасці з дзяржаўнай праграмай "Беларускі лес". Наяўнасць такіх аб'ектаў дае магчымасць не толькі асвойваць новыя рэсурсы, але і своечасова праводзіць лесааднаўленчыя работы і мерапрыемствы па барацьбе з хваробамі і шкоднікамі лесу, ліквідаваць лясныя пажары. Лесагаспадарчыя дарогі выконваюць таксама важную сацыяльную нагрузку: дазваляюць хутчэй дабрацца да населеных пунктаў, адкрываюць новыя магчымасці для грамадзян па зборы ягад і грыбоў.
Так, за апошнія дзесяць гадоў толькі сіламі лясгасаў у краіне пракладзена больш за 1 тыс. км лесагаспадарчых дарог.
Крыніца: belta.by
