"Нягледзячы на тое што сённяшняя абстаноўка ў свеце застаецца вельмі няпростай, на наш погляд, цяпер яшчэ не час для прыняцця бізнесам нейкіх радыкальных рашэнняў. Санкцыі - мера для нас сама па сабе не новая, галіны краіны адаптуюцца да новых рэалій, знаходзяцца новыя магчымасці, - сказаў Алег Жыдкоў. - Возьмем падзеі ва Украіне. Так, сёння мы вымушаны пераарыентаваць свой экспарт на іншыя рынкі. Але ў асноўным гэта не новыя рынкі. Мы проста павялічым аб'ёмы экспарту ў тыя краіны, дзе нас ужо ведаюць і любяць нашу прадукцыю. Гэта і Расія, і Кітай, а таксама краіны далёкай дугі. Па-ранейшаму асноўнымі гандлёвымі партнёрамі для нас застануцца дзяржавы - члены ЕАЭС і СНД. Гэтыя краіны ахопліваюць вялікую тэрыторыю, і месца на рынках хопіць на ўсіх".
Паводле яго слоў, экспарт арганізацый канцэрна ва Украіну ў мінулым годзе вырас больш як на 50 працэнтаў і склаў $33,3 млн (8,3 працэнта ў агульным аб'ёме экспарту). "Праўда, рост забяспечаны за кошт павелічэння сыравіннага экспарту соладу і солі, якія ва ўдзельнай вазе экспартных паставак ва Украіну ў 2021 годзе займалі 57 працэнтаў. З улікам цяперашніх абставін пераразмеркаваць вызваленыя аб'ёмы соладу і солі, якія маюць павышаны попыт, не будзе складана", - адзначыў старшыня канцэрна.
Крыніца: belta.by
