Рэгуляванне тарыфаў на ўсе віды стаматалагічных паслуг уводзіцца ў Беларусі. Гэта прадугледжана пастановай Савета Міністраў нумар 442 ад 6 ліпеня 2023 года, паведамляе БЕЛТА.
Як адзначаецца, рэгуляванне тарыфаў уводзіцца для павышэння даступнасці платных стаматалагічных паслуг для насельніцтва.
Цяпер Міністэрства аховы здароўя актуалізуе нормы часу і нормы расходу матэрыялаў на платныя медыцынскія паслугі па стаматалогіі, а таксама разлічвае гранічныя максімальныя тарыфы на гэтыя паслугі.
У прэс-службе Міністэрства аховы здароўя паведамілі, што цяпер пад цэнавае рэгуляванне падпадаюць артапедычныя і зубатэхнічныя стаматалагічныя паслугі. Рэгуляванне на сёння не распаўсюджваецца на тэрапеўтычныя, хірургічныя, артадантычныя стаматалагічныя паслугі.
Пастанова ўступіць у сілу з 1 лістапада 2023 года.
