"Праграма прайшла адпаведную навукова-тэхнічную экспертызу, узгадненне з зацікаўленымі органамі дзяржкіравання. Мы чакаем яе зацвярджэння ў бліжэйшы час", - сказаў Аляксандр Скуратаў. Першы этап будзе разлічаны на два гады.
Дзяржпраграма прадугледжвае распрацоўку каля 50 стандартаў у сферы электратранспарту. "Гэта стандарты не толькі на бяспеку электратранспарту, але і на элементы інфраструктуры, зарадныя станцыі, метады выпрабавання электрычнага абсталявання", - удакладніў дырэктар БелДІСС. Цяпер дзейнічае каля 10 дзяржаўных стандартаў у названай сферы, але гэта толькі фундамент, яны не ахопліваюць усе перспектыўныя напрамкі работы ў галіне электратранспарту.
Каб комплексна развіваць стандартызацыю ў гэтай сферы, таксама будзе створаны адпаведны тэхнічны камітэт па стандартызацыі з удзелам зацікаўленых.
З улікам планаў Беларусі па развіцці электратранспарту вывучаецца міжнародны, у тым ліку і кітайскі вопыт у гэтай сферы. Паводле слоў Аляксандра Скуратава, у кітайскіх калег ёсць напрацоўкі, якія цікавыя беларускаму боку.
У пасяджэнні кітайска-беларускай рабочай групы прымаюць удзел больш за 70 спецыялістаў беларускіх прамысловых прадпрыемстваў і кітайскіх кампаній, а таксама інстытутаў Дзяржстандарту, Нацыянальнай акадэміі навук, міністэрстваў транспарту і камунікацый, прамысловасці. На мерапрыемстве будуць прадстаўлены розныя падыходы да распрацоўкі стандартаў і норм на электрычныя аўтамабілі, электробусы, тэхналогіі зарадкі.
Крыніца: belta.by
