Капыльскі раённы выканаўчы камітэт

У мэтах уцягвання малога і сярэдняга бізнесу ў кааперацыйныя ланцужкі пры вытворчасці прадукцыі буйнымі прадпрыемствамі Беларускі фонд фінансавай падтрымкі прадпрымальнікаў пры садзейнічанні Міністэрства эканомікі Рэспублікі Беларусь дае пляцоўку для прамых перамоў патэнцыйных пастаўшчыкоў - суб'ектаў малога і сярэдняга прадпрымальніцтва з буйнымі прадпрыемствамі рэспублікі аб пастаўках прадукцыі, прадстаўленай у пераліках прадукцыі, якая рэкамендуецца да засваення малому і сярэдняму бізнесу на тэрыторыі Рэспублікі Беларусь.

Пабудова рэгіянальных структур партыі «Белая Русь» - важны гістарычны момант для краіны. Устаноўчая канферэнцыя Капыльскага раённага аддзялення Беларускай партыі «Белая Русь» прайшла ў раённым Цэнтры культуры з удзелам больш за 50 членаў партыі.

Сезон выстаў ля мемарыяльнага комплексу «Курган Славы» працягваецца: сёлета ўсе экспазіцыі аб'ядноўвае Год міру і стварэння. На працягу двух дзён з самай раніцы тут разгарнуліся тэматычныя інтэрактыўныя пляцоўкі, на якіх госці змаглі даведацца шмат фактаў аб гераічнай гісторыі Міншчыны, яе дасягненнях на сучасным этапе. А ў палявой кіназале можна было паглядзець фільмы, прысвечаныя развіццю Беларусі і Мінскай вобласці, а таксама героям Вялікай Айчыннай вайны. Працавалі пляцоўкі са спартыўнымі і забаўляльнымі гульнямі, запрашаў і ваенны палявы шпіталь, і паштовы павільён, у тым ліку і Капыльскага вузла электрасувязі РУП «Белтэлекам».

Выступаючы перад парламентарыямі, першы намеснік Прэм’ер-міністра Рэспублікі Беларусь Мікалай Снапкоў расказаў аб рабоце эканомікі на сучасным этапе развіцця. Адзначана, што мінулы год стаў выпрабаваннем на трываласць. Санкцыі аказалі сур'ёзны ўплыў на эканоміку краіны. У гэтых умовах урад працаваў над выкананнем двух базавых задач, пастаўленых Кіраўніком дзяржавы, – забеспячэннем устойлівай работы прадпрыемстваў і мінімізацыяй негатыўных наступстваў знешняга ціску на грамадзян Беларусі. Адначасова ў цесным узаемадзеянні з парламентам закладвалася аснова для росту эканомікі і дасягнення задач, пастаўленых Прэзідэнтам на Усебеларускім народным сходзе.

6 чэрвеня 2023 г. з 11.00 да 12.00 па тэлефоне 51-5-00 правядзе «прамую тэлефонную лінію» і з 12.00 да 13.00 у кабінеце № 26 Капыльскага райвыканкама прыём грамадзян першы намеснік старшыні Камітэта дзяржаўнага кантролю Мінскай вобласці Сакалоўская Святлана Іванаўна.